#Prettymehit | 最新5大出pool勝地你知唔知❓

2020都過咗大半,你唔係仲未出到pool啊?
 
當朋友都成雙成對,自己一個難通又食自己咩!
 
放假都好想可以有人陪,有人講晚安,有人撐檯脚,過個浪漫溫馨嘅假期。
 
不過出pool都無咁易,it’s always in the right place at the right time,
 
有無地方係特別容易出Pool呢?小編根據網絡熱度分析,得出五大最容易出pool嘅熱點俾仲係單身嘅你參考下
 
NO.5 酒吧
幾多愛情故事都發生係酒吧,好似黑寡婦Scarlett Johansson係迷失東京同男主角相遇都係係酒吧。趁住燈光昏暗,小酌幾杯,好多嘢都更容易講出口。其實去到酒吧大家都心照係為咗識異性朋友,只要你唔怕醜,主動行埋去撩下對方,contact好容易就拎到手。
 
NO.4 相睇
相睇可以話係最古老嘅一種出Pool方式,橋唔怕舊有用就得,相睇可以話係最快瞭解對方甚至一齊嘅好機會。除咗三姑六婆介紹對象,香港仲有好多相親服務會預先篩選出適合你嘅對象,鍾意42吋大長腿又或者有齊胸肌腹肌嘅都可以揾到啱你嘅,如果真係好想好想出Pool都不妨俾小小錢嘗試下。
 
NO.3 興趣班
興趣班唔單只可以培養到自己有一技之長,仲可以用呢個機會認識異性。通常有相同興趣嘅更容易發展到戀愛,不過要留意下興趣班嘅男女比例同年齡層,參加太極班果啲就無好咁多幻想啦

NO.2 網絡
網絡可以話係最容易識到異性嘅方法,小編身邊都有朋友係fb,ig識到男朋友,更加唔好提Tinder呢啲app。不過網絡上嘅嘢好容易見光死,出Pool容易分手都好易,非常睇緣分。
 
NO.1 學校
學生時期點可以唔談幾次甜甜的戀愛?小編自己見到最多男人都係讀書果陣咋。趁未畢業當然要好好咁拍次拖,學生時期會係最單純嘅時候,拖拖手都可以開心好耐,無疑係出Pool點第一位。
 
當中有無你出pooll嘅地點呢?最hit出Pool熱點學校同網絡你會揀邊個?

0

註釋

發表評論

您的電子郵件地址不會被公開。